West Coast lovers will have to unite and fight themselves against politicians and corruption threatening the region

Met die vooruitsig op nog ’n winter met swak reënval is die Kaapse stadsraad gereed om van aanstaande maand af noodplanne in werking te stel om die stad se waterbronne aan te vul.

Hy het Dinsdag op ’n vergadering met sakelui en inwoners dié noodplanne, asook beplanning vir die bestuur van die stad se water in die toekoms, bespreek.

As die reënval dié winter weer ondergemiddeld is, kan die Kaap se damstelsel teen 2018 “in duie stort” en munisipale dienste en sanitasie erg ontwrig. Dit kan ’n ernstige uitwerking hê op die ekonomie en op die gesondheid van die vier miljoen mense wat afhanklik is van die stad se water, het Peter Flower, direkteur van die stad se afdeling vir water en sanitasie, gesê.

Hy het gewaarsku daar is geskiedkundige bewyse van tydperke van tot ’n dekade van ondergemiddelde reën in die afgelope eeu in Kaapstad, en dit kan weer voorkom.

Die Wes-Kaap se gemiddelde damvlakke het aan die begin van die week op 20% gestaan. Die stad oorweeg reeds vlak 4-waterbeperkings en hy bespoedig sy projekte om sy waterbronne aan te vul.

Indien die damvlakke verder daal, sal waterbeperkings verskerp en die waterdruk verder verlaag word.

As die gemiddelde damvlakke tussen 10% en 15% daal, sal ’n “onderbroke watertoevoer” aan woonbuurte gelewer word.

Indien damvlakke onder 10% daal, sal net ’n “noodlyn”-watertoevoer voorsien word, met uiterste beperkings op waterverbruik en baie lae waterdruk. Inwoners sal selfs water in houers by versamelpunte moet kry.

Flower het gesê die plaaslike noodtoestand is in Maart afgekondig aan die hand van sowat drie maande se damwater wat moontlik sal oorbly indien geen vroeë reënval uitsak nie.

Hy sê om voor te berei op die uitwerking van klimaatverandering en ’n groeiende vraag na water, sal Kaapstad sy waterbronne moet diversifiseer om minder van oppervlakwater en reën afhanklik te wees. Water sal duurder word en stadsbeplanning sal doeltreffender verbruik moet nastreef en “watersensitief” wees.

Dit word verwag dat ’n aanvoorprojek teen einde Junie sal begin om grondwater uit die Tafelberggroep-waterdraer te pomp, wat twee megaliter water per dag kan lewer.

In Junie sal konsultante aangestel word vir ’n ondersoek na die moontlikheid om grondwater uit die Kaapse Vlakte-waterdraer te ontgin, wat vyf megaliter water per dag kan lewer.

Tenders vir die bou van ontsoutingsaanlegte by Koeberg en naby Atlantis sal teen Julie geadverteer word. Dit behoort 450 megaliter water per dag te lewer en sal sowat R15 miljard kos.

Die stad beplan ook om afvalwater van die Zandvliet-aanleg te behandel en terug te pomp in die waterstelsel. Dit kan 220 megaliter water voorsien.

Met die Voëlvleidam wat tans op 19,20% van sy kapasiteit staan, verdiep die huidige waterkrisis.

Die owerhede doen tans alles in hul vermoë om te sorg dat Swartlanders se krane nie opdroog nie.

Swartland-munisipaliteit se burgemeester, Tijmen van Essen, het gesê die Voëlvleidam se kapasiteit is 164 095 MF en water kan onttrek word uit dié dam vir die Swartland tot op so ongeveer 17-18%. Hierna moet die water oor ’n obstruksie gepomp word of die obstruksie moet verwyder word volgens ’n opmeting wat die departement van waterwese moet doen.

“Wat dit vanjaar egter verder bemoeilik, is dat die totale water in alle damme op 24 April op slegs 23,3% staan, teenoor 30,9% ’n jaar gelede. En die Theewaterskloofdam, wat die grootste dam is, se inhoud is tans slegs 16,40%.

“Maar wat wel hierdie jaar beter is, is dat Waterwese die damme beheer om die balans tussen alle beskikbare damme beter te beheer.

“Maar steeds, die water is dié jaar kommerwekkend laag.”

Van Essen het voorts gesê dat Malmesbury ook nog drinkwater uit ’n dam in die Paardeberg kry , maar dit is minder as 5% van Malmesbury se totale waterverbruik.

Alhoewel die Voëlvleidam deel van die Wes-Kaap se watervoorsieningstelsel is, kan dit nie deur die ander damme (Wemmershoek, Onder-Steenbras, Bo-Steenbras, Theewaterskloof en Bergrivier) of uit die Bergrivier gevoed word nie.

Die Voëlvleidam is nie in die loop van enige groot rivier gebou nie. Dié dam kry sy water slegs uit twee kanale vanaf die Klein Berg-, Leeu- en Vier-en-twintig-riviere, waarvan die opvangsgebiede in die Porterville- en Tulbaghberge is.

Die dorpe Malmesbury, Riebeek-Wes, Riebeek-Kasteel, Abbotsdale, Kalbaskraal, Chatsworth, Riverlands, Darling en Yzerfontein ontvang hul drinkwater slegs uit die Voëlvleidam.

Moorreesburg en Koringberg kry drinkwater uit die Misverstanddam wat in die verlede hoofsaaklik uit die Bergrivier- dam gevoed is.

As gevolg van die lae damvlakke van die Bergrivierdam en die Theewaterskloofdam word daar geen water meer uit die Bergrivier vrygestel nie. Dié jaar word water wat in die Misverstanddam gestoor sou word nie uit die Voëlvleidam vrygestel nie.

Twee dorpe van die Drakenstein-munisipaliteit, Hermon en Gouda, kry ook drinkwater vanaf Swartland se suiweringsaanlegte by die Voëlvleidam.

* Intussen is graanprodusente reeds besig om te plant.

Johan de Lange van Kaap Agri het gesê dinge gaan soos normaal voort by koringprodusente, met die enigste nadeel dat weens die droë omstandighede kon feitlik geen voortplant, nie-selektiewe onkruidbeheer plaasvind nie.

Verder is hulle positief dat die reën nog sal kom.

http://www.netwerk24.com/ZA/Boland-gazette/N2uus/waternood-bly-kritiek-20170508-

AQUA FARMING: FIGHT TO PROTECT LANGEBAAN LAGOON GATHERS MOMENTUM

AFRICAN BATTERY FACTORY to produce 200 GWh lithium-ion batteries p.a. off Saldanha